Viral Video : వరల్డ్ కప్ లో వాయుసేన చేయబోయే విన్యాసాలు…గూస్ బంప్స్ తెప్పిస్తున్న రిహాసల్స్ వీడియో…

Viral Video  : ఇండియా మరియు ఆస్ట్రేలియా మధ్య జరగబోయే వరల్డ్ కప్ ఫైనల్ పోరుకిఇంకా కొన్ని గంటలు మాత్రమే మిగిలి ఉంది. ఇప్పటివరకు ఓటమనేది తెలియని టీమిండియా రేపు ఆస్ట్రేలియాను ఎలా ఎదుర్కోబోతుందనే అంశం తీవ్ర ఆసక్తిని కలిగిస్తుంది. ఇక ఈ చారిత్రాత్మక పోరు ప్రారంభానికి భారతదేశానికి చెందిన వాయుసేన గగన విన్యాసాలు నిర్వహిస్తున్నట్లుగా సమాచారం. వీక్షకులను ఆశ్చర్యపరిచే విధంగా వాయుసేనకు చెందిన సూర్యకిరణ్ అక్రోబాటిక్ టీమ్ ఈ విన్యాసాలను నిర్వహించనున్నారు. ఈ నేపథ్యంలోనే ఇప్పటికే రిహాసల్స్ ప్రారంభించారు. అయితే దానికి సంబంధించిన వీడియో ఒకటి ప్రస్తుతం సోషల్ మీడియాలో వైరల్ గా మారింది. ఈ వీడియోని గమనించినట్లయితే మ్యాచ్ ప్రారంభోత్సవం అద్భుతంగా ఉండబోతుందని అర్థమవుతుంది.

అయితే రేపు స్టేడియంలో జరగబోయే వాయుసేన విన్యాసాలకు సంబంధించిన రిహార్సల్స్ వీడియోను ప్రముఖ పారిశ్రామికవేత ఆనంద్ మహేంద్ర తన ట్విట్టర్ ఖాతా ద్వారా పంచుకున్నారు. ఇక ఈ వీడియోలో స్టేడియాన్ని వివిధ రంగులతో అంత్యంత సుందరంగా తీర్చిదిద్దారు. బ్యాక్ గ్రౌండ్ లో జాతీయగీతం వినిపిస్తుండగా వాయిసేనకు చెందిన విమానాలు నిర్దిష్ట పద్ధతిలో పొగను చిమ్ముతు దూసుకుపోయాయి. ఈ అద్భుతం చూడడానికి కనుల విందుగా ఉంది. ఇక ఈ వీడియోను ఆనంద్ మహేంద్రా షేర్ చేస్తూ…నా ఫ్రెండ్ ఈ వీడియో తీశాడు. దీనిలో వాయుసేన గగన విన్యాసాలను చూడవచ్చు. ఈ విన్యాసాలు గూస్ బంప్స్ తెప్పిస్తున్నాయి అంటూ ఆనంద్ మహేంద్ర రాసుకొచ్చారు. దీంతో ప్రస్తుతం దీనికి సంబంధించిన వీడియో సోషల్ మీడియాలో వైరల్ గా మారింది.

Spoiler alert! My colleague @manishups08 who’s overseeing the Tech Mahindra Innovation Centre at Motera took this clip of the IAF practising their drill for the World Cup final… Goosebumps inducing….🇮🇳 pic.twitter.com/HQvQIzZVpf

— anand mahindra (@anandmahindra) November 17, 2023