“BRO” Pre-release Event : ” బ్రో ” ఫ్రీ రిలీజ్ ఈవెంట్ కు సర్వం సిద్ధం….తేదీను ఖరారు చేసిన నిర్మాత…

“BRO” Pre-release Event : ప్రస్తుతం మెగా అభిమానులు ఎంతో ఆసక్తిగా ఎదురు చూస్తున్న సినిమా ” బ్రో ” …. పవర్ స్టార్ పవన్ కళ్యాణ్ మరియు తన మేనల్లుడు సాయిధరమ్ తేజ్ తొలిసారి కలిసిన నటించబోతున్న సినిమా ఇది. అయితే తమిళ్ ఇండస్ట్రీలో సూపర్ హిట్ అయిన ‘ వినోద సిత్తం ‘ అనే సినిమా ఆధారంగా ” బ్రో ” సినిమాను రూపొందించారు. ఇక ఈ సినిమాకు త్రివిక్రమ్ స్క్రీన్ ప్లే మరియు మాటలు రాస్తున్నారు. ఇక ఈ సినిమాలో కేతిక శర్మ మరియు ప్రియా ప్రకాష్ వారియర్ హీరోయిన్ లుగా నటిస్తున్నారు. ఇక ఈ బ్రో సినిమాను పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ నిర్మిస్తుండగా, వివేక్ కూచిభట్ల సహ నిర్మాతగా వ్యవహరిస్తున్నారు .

ఇక ఈ సినిమా ఈనెల 28న ప్రేక్షకుల ముందుకు రానుంది. సినిమా విడుదల తేదీ దగ్గరకు రావడంతో సినీ నిర్మాణ సంస్థ ప్రమోషన్స్ పై దృష్టి సారించింది. ఇప్పటికే ఈ సినిమాకు సంబంధించి హీర హీరోయిన్లు మరియు దర్శకుడు మీడియాకు ఇంటర్వ్యూలు ఇవ్వడం జరిగింది. ఇటీవల చిత్ర నిర్మాత టీజీ విశ్వప్రసాద్ కూడా మీడియాతో ముచ్చటించడం జరిగింది. ఈ సందర్భంగా ఆయన సినిమా విషయాలను పంచుకుంటూ ‘ బ్రో ‘ ట్రైలర్ మరియు ఫ్రీ రిలీజ్ ఈవెంట్ గురించి మాట్లాడారు. ఈ సినిమా యొక్క ట్రైలర్ 21 లేదా 22 తేదీన విడుదల చేస్తామని, ఈనెల 25న ప్రీ రిలీజ్ ఈవెంట్ ఉంటుందని చెప్పుకొచ్చారు. బ్రో సినిమా యొక్క ఫ్రీ రిలీజ్ ఈవెంట్ ను శిల్పకళా వేదికలో నిర్వహిస్తున్నట్లు నిర్మాత చెప్పుకొచ్చారు.

అలాగే బ్రో సిని ప్రయాణం గురించి నిర్మాత విశ్వప్రసాద్ మాట్లాడుతూ…తాము ఒక మంచి ప్రాజెక్టు ను దృష్టిలో పెట్టుకొని ఎదురుచూస్తున్న సమయంలో త్రివిక్రమ్ ‘వినోద సిత్తం’ అనే సినిమాను తెలుగు రీమేక్ గా తీస్తే బాగుంటుందని సూచించారట. అలా ఈ సినిమాను తెరపైకి ,తీసుకురావడం జరిగింది. అలాగే వారి బ్యానర్ పై రూపొందుతున్న అతిపెద్ద ప్రాజెక్టులో బ్రో సినిమా ఒకటి . తమిళ్ సినిమాతో పోలిస్తే ఇది భారీ స్థాయిలో ఉంటుందని నిర్మాత చెప్పుకొచ్చాడు. ఇక ఈ సినిమా బలమైన ఫ్యామిలీ ఎమోషన్స్ తో పాటు , కమర్షియల్ ఎలిమెంట్స్ తో వస్తుందని , ఒరిజినల్ తమిళ్ సినిమా చూసిన వారికి కూడా ఈ సినిమా సరికొత్త అనుభూతిని ఇస్తుందని విశ్వ ప్రసాద్ తెలియజేశారు. ఇక ఈ సినిమాలో పవన్ కళ్యాణ్ పది నిమిషాల వరకు మాత్రమే కనిపిస్తారని చెప్పారు.