Roshan Meka : బంపర్ ఆఫర్ కొట్టేసిన శ్రీకాంత్ కొడుకు రోషన్…..

Roshan Meka : హీరో శ్రీకాంత్ తనయుడు రోషన్ తెలుగు సినిమాలోకి ఎంట్రీ ఇచ్చిన సంగతి తెలిసిందే. మొదటిగా రోషన్ ‘ నిర్మలా కాన్వెంట్ ‘ సినిమాతో ప్రేక్షకులను పలకరించాడు కానీ ఈ సినిమా ఊహించిన స్థాయిలో సక్సెస్ కాలేదు. కానీ రోషన్ కి మాత్రం వరుస ఆఫర్లు వస్తున్నాయి. ఇక రెండవ సినిమాగా దర్శకేంద్రుడు కె. రాఘవేంద్రరావు దర్శకత్వం వహించిన ‘ పెళ్లి సందడి ‘ సినిమాలో హీరోగా నటించాడు. ఇక ఈ సినిమా యావరేజ్ టాక్ ను సంపాదించుకుంది. దీంతో రోషన్ కొంచెం గ్యాప్ తీసుకున్నట్లు తెలుస్తోంది. ఈసారి మంచి సినిమాతో ప్రేక్షకులను అలరించాలని ఎదురు చూస్తున్నాడు. ఈ క్రమంలోనే తనకి బంపర్ ఆఫర్ వచ్చింది.

తాజాగా రోషన్ అదిరిపోయే ఆఫర్ ఒకటి పట్టేశాడు. మైత్రి లాంటి పెద్ద బ్యానర్ లో సినిమా చేస్తున్నాడు. మోహన్ లాల్ హీరోగా మలయాళం, తెలుగు బైలింగ్వల్ గా ఒకేసారి తెరకెక్కబోతున్న ‘ వృషభ ‘ లో కీలకమైన కొడుకు క్యారెక్టర్ పట్టేశాడు. భారీ బడ్జెట్ తో తెరకెక్కుతున్న ఈ సినిమా పాన్ ఇండియా స్థాయిలో విడుదల కాబోతుంది. ఇది ఫాదర్ ఎమోషన్ మీద నడిచే కథగా ఉంటుందని టాక్. ఇక ఈ సినిమాలో సీనియర్ హీరోయిన్ సిమ్రాన్ తల్లిగా నటించబోతుంది. అలాగే కేజిఎఫ్ సినిమా విలన్ రామచంద్రరాజుని ఈ సినిమాలో విలన్ గా సెలెక్ట్ చేశారు.

త్వరలోనే లండన్ లో షూటింగ్ జరుపుకునే ప్రయత్నాలు జరుగుతున్నాయి. నంద కిషోర్ దర్శకత్వం వహిస్తున్న వృషభని ఎపిక్ యాక్షన్ ఎంటర్ టైనర్ గా పేర్కొంటున్నారు. జనతా గ్యారేజ్ సినిమాతో మోహన్ లాల్ మంచి గుర్తింపు తెచ్చుకున్నారు. ఆ తర్వాత మరో తెలుగు సినిమా చేయలేదు. ఇప్పుడు రోషన్ కు ఆ ఛాన్స్ దక్కింది. కెరీర్ ఆరంభంలో ఇలాంటి అవకాశాలు రావడం చాలా అరుదు. మరి ఈ అవకాశాన్ని రోషన్ వినియోగించుకుంటాడో లేదో చూడాలి.