World Cup 2023 : వరుసగా మరో ఘనవిజయంం సాధించిన భారత్…రికార్డ్స్ బ్రేక్ చేసిన రవీంద్ర జడేజా ,విరాట్ కోహ్లీ…

World Cup 2023 : ప్రస్తుతం వన్డే ప్రపంచ కప్ లో భాగంగా దక్షిణాఫ్రికా మరియు భారత్ మధ్య జరిగిన మ్యాచ్లో భారత్ ఘనవిజయం సాధించింది. అయితే తొలత బ్యాటింగ్ కు బరిలో దిగిన భారత్ నిర్దేశిత 50 ఓవర్లలో 5 వికెట్ల నష్టానికి 326 పరుగులు చేసింది. ఈ క్రమంలో చేజింగ్ చేసేందుకు 327 పరుగుల లక్ష్యంతో బరిలో దిగిన దక్షిణాఫ్రికా 27.1 ఓవర్లకు గాను కేవలం 83 అడుగులు మాత్రమే చేసి ఆల్ అవుట్ అయింది. అయితే తొలుత బ్యాటింగ్ చేసిన భారత్ , బ్యాట్ మెన్స్ విరాట్ కోహ్లీ 101 పరుగులు చేసి 49 ఓడిఐ సెంచరీస్ తో సచిన్ టెండూల్కర్ రికార్డ్ కు సరిసమానం చేసి అదరగొట్టాడు.

అనంతరం శ్రేయస్ అయ్యర్ 77 , రోహిత్ శర్మ 40 , శుబ్ మాన్ గిల్ 23 పరుగులు , సూర్య కుమార్ యాదవ్ 22, రవీంద్ర జడ 29 , కేఎల్ రాహుల్ 8 పరుగులు చేసి జట్టుకు భారీ స్కోర్ అందించారు. అనంతరం బరిలో దిగిన ప్రత్యర్ధులకు భారత్ బౌలర్లు చుక్కలు చూపించారు. ఈ క్రమంలోనే రవీంద్ర జడేజా 5 వికెట్లు , కుల్దీప్ యాదవ్ మరియు మొహమ్మద్ షమీ చెరో రెండు వికెట్లు , సిరాజ్ ఒక వికెట్ తీశారు. దీంతో భారత్ ఘనవిజయం సాధించింది. ఇక ఈ మ్యాచ్ లో ఆల్ రౌండర్ రవీంద్ర జడేజా అరుదైన ఘనత సాధించాడు.

వరల్డ్ కప్ టోర్నమెంట్ లో అత్యుత్తమ గణాంకాలు నమోదు చేసిన స్పీన్నర్ గా జడ్డు రికార్డుకి ఎక్కాడు. ప్రపంచ కప్ 2023లో భాగంగా సౌత్ఆఫ్రికా తో జరిగిన ఈ మ్యాచ్లో ఏకంగా 5 వికెట్లు తీసి జడేజా ఈ అరుదైన ఘనత ఘనత సాధించాడు. అయితే 2011 వన్డే వరల్డ్ కప్ లో , ఐర్లాండ్ పై యువీ కేవలం 31 పరుగులు ఇచ్చి 5 వికెట్లు తీశాడు. దాదాపు 12 ఏళ్ల తర్వాత ఇప్పుడు ఆ ఘనతను జడేజా అందుకోవడం విశేషం. కాగా దక్షిణాఫ్రికాపై భారత్ ఏకంగా 243 పరుగులు తేడాతో ఘన విజయం సాధించింది. 327 పరుగుల లక్ష్యంతో బరిలో దిగిన సౌత్ ఆఫ్రికా భారత్ బౌలర్ల దాటికి తట్టుకోలేక 83 పరుగులకే కుప్పకూలిపోయింది.