Tamannaah : ఎయిర్ పోర్ట్ లో వైట్ స్క్రీన్ బ్యూటీ తమన్నా భాటియా డాన్స్….. వైరల్ వీడియో…..

Tamannaah : స్టార్ హీరోయిన్ తమన్నా భాటియా తన అభిమానులకు ఎప్పుడు టచ్ లోనే ఉంటుంది. సోషల్ మీడియాతో పాటు బయట కూడా తన ఫ్యాన్స్ తో ముచ్చటిస్తూ వస్తుంది. తమన్నా వీరాభిమాని ఒకరు తన ఫోటోను పచ్చబొట్టు వేయించుకోగా అది చూసిన మిల్కీ బ్యూటీ ఎమోషన్ అవ్వడం మీరు చూసే ఉంటారు. అలా తనను ఆదరించే అభిమానులు అంటే తమన్నాకు ఎంతో మక్కువ. ఈ నేపథ్యంలో తాజాగా తమన్నా ఎయిర్ పోర్ట్ లో తన అభిమానితో కలిసి డాన్స్ చేసింది. దీంతో ప్రస్తుతం ఈ వీడియో సోషల్ మీడియాలో తెగ వైరల్ అవుతుంది. అయితే తమిళ్ సూపర్ స్టార్ రజనీకాంత్ తో కలిసి ఇటీవల తమన్నా నటించిన సినిమా జైలర్. .

ఇక ఈ సినిమాలోని ‘వా నువ్వు కావాలయ్యా ‘ అనే పాట యొక్క లిరికల్ వీడియోను ఇటీవల విడుదల చేసిన సంగతి తెలిసిందే. ఇక ఈ పాటలోని తమన్నా డాన్స్ అందరిని బాగా ఆకట్టుకుంది. దీంతో గత కొన్ని రోజులుగా సోషల్ మీడియాలో ఈ పాట దుమారం లేపుతుంది. ఈ క్రమంలో తమన్నా అభిమానుల కంటపడితే చాలు ఆ పాటకు డాన్స్ చేయాల్సిందిగా ప్రతి ఒక్కరు కోరుతున్నారు. అయితే తాజాగా ముంబై ఎయిర్ పోర్ట్ లో దర్శనమిచ్చిన తమన్నా ను తనతో కలిసి ఆ పాటకు డాన్స్ చేయాల్సిందిగా ఓ అభిమాని కోరాడు. అంతేకాక అక్కడున్న మీడియా మిత్రులు కూడా పదేపదే అడగడంతో తమన్నా అంగీకరించింది. తన అభిమానితో కలిసి ఆ పాటకు అక్కడే డాన్స్ చేసింది.

అనంతరం నాకంటే చాలా బాగా చేశావంటూ తమన్నా అభిమానిని మెచ్చుకుంది. దీంతో ప్రస్తుతం దీనికి సంబంధించిన వీడియో సోషల్ మీడియాలో తెగ వైరల్ అవుతుంది. ఇది ఇలా ఉంటే ఈ లిరికల్ వీడియో పై తమన్న బాయ్ ఫ్రెండ్ విజయవర్మ కూడా స్పందించారు. తన ఇంస్టాగ్రామ్ వేదికగా ఈ పాటలోని తమన్నా డాన్స్ ని షేర్ చేస్తూ…పాట అద్భుతంగా ఉందంటూ పొగడ్తల వర్షం కురిపించాడు. అంతేకాక ఈ సినిమాకు రజనీకాంత్ దేవుడైతే…తమన్నా దేవత అంటూ రాసుకొచ్చాడు . అయితే విజయవర్మ కామెంట్స్ కు పలువురు ఆగ్రహం వ్యక్తం చేయగా కొందరు పాజిటివ్ గా కామెంట్స్ చేస్తున్నారు.