K Viswanath : కె. విశ్వనాథ్ అంత్యక్రియలు ఇలా చేసారేంటి ! కారణం ఏమై ఉంటుంది ?

K Viswanath : కళాతపస్వి కె విశ్వనాథ్ ఇటీవల అనారోగ్యంతో అపోలో ఆసుపత్రిలో చికిత్స పొందుతూ ఫిబ్రవరి 2న మృతి చెందారు. ఇక టాలీవుడ్లో విశ్వనాధ్ గారి సినిమాలకు ఎంత ప్రాముఖ్యత ఉందో ప్రత్యేకంగా చెప్పనక్కర్లేదు. స్వాతిముత్యం, సాగర సంగమం, శంకరాభరణం వంటి ఆణిముత్యాలు లాంటి సినిమాలను తెలుగు ప్రేక్షకులకు అందించారు విశ్వనాధ్. ఐదు జాతీయ అవార్డులను కూడా దక్కించుకున్నారు. విశ్వనాథ్ టాలీవుడ్ కి ఎనలేని కీర్తి ప్రతిష్టలను అందించారు. అయితే ప్రస్తుతం విశ్వనాథ్ అంత్యక్రియల గురించి జనాలు మాట్లాడుకుంటున్నారు. ఇటీవల హైదరాబాదులో విశ్వనాధ్ అంత్యక్రియలు జరిగాయి.

బ్రాహ్మణ సాంప్రదాయం ప్రకారం మరణించిన తర్వాత పార్దివ దేహాన్ని దహనం చేస్తారు. ఆ తర్వాత అస్తికలను నదుల్లో నిమజ్జనం చేస్తారు. కానీ విశ్వనాధ్ గారిని కూర్చోబెట్టి ఖననం చేశారు. దీనికి కారణం విశ్వనాధ్ పూర్వీకులు కర్ణాటక నుంచి వచ్చిన వీర శైవ ఆరాధ్యులు అని తెలుస్తుంది. తెలుగు రాష్ట్రాల బ్రాహ్మణులతో పోలిస్తే వీరికి ప్రత్యేక సాంప్రదాయాలు ఉంటాయి. ఉమ్మడి గుంటూరు, కృష్ణా, ప్రకాశం, నెల్లూరు జిల్లాలో వీరశైవ ఆరాధ్యులు ఎక్కువగా ఉంటారు. అయితే వీరంతా ఆ రోజుల్లో నియోగి బ్రాహ్మణులతో వివాహ బంధాలు ఏర్పరచుకుని మిగిలిన బ్రాహ్మణులతో కలసిపోయారు.

వీర శైవులను లింగధారులు అని కూడా పిలుస్తారు. అందుకే చనిపోయినప్పుడు దేహం పై ఉన్న లింగాన్ని తొలగించారు అని అంటుంటారు. పార్థివ దేహాన్ని దహనం చేయకుండా ఖననం చేస్తారని చెబుతుంటారు. శివలింగం చెక్కు చెదరకుండా ఉండడానికి ఇలా ఖననం చేస్తారని చెబుతుంటారు. అందుకే విశ్వనాథ్ అంత్యక్రియలు ఇలా చేశారు. అలాగే ఎస్పీ బాల సుబ్రమణ్యం అంత్యక్రియలు కూడా ఇదే సంప్రదాయం లో చేశారు. ప్రస్తుతం వీరి అంత్యక్రియల గురించి జనాలు చర్చించుకుంటున్నారు.

Must Read : Surekha Vani : అందం తో సోషల్ మీడియాని ఊపేస్తున్న సురేక వాణి…