Relationship Tips : మహిళలు ఈ లక్షణాలను కలిగి ఉంటే మీ మీద ప్రేమ ఉన్నట్లే… వారి మనసులో ఏముందో మీరే తెలుసుకోండి..

Relationship Tips  : స్త్రీలను అర్థం చేసుకోవడం అనేది పురుషుడికి అంత తేలికైన విషయం కాదు. కానీ స్త్రీలు సాధారణంగా తాము ఇష్టపడే పురుషులతో మాత్రమే కొన్ని లక్షణాలను ప్రదర్శిస్తారట. అయితే అవి కొన్నిసార్లు వ్యక్తికి వ్యక్తికి మారుతూ ఉండవచ్చు కానీ… స్త్రీలలో మాత్రం సాధారణం. అయితే అమ్మాయి తాను ఇష్టపడిన అబ్బాయి దగ్గర ఎలాంటి లక్షణాలు ప్రదర్శిస్తుందో ఇప్పుడు తెలుసుకుందాం.

వారికోసం తమని తాము వదులుకుంటారు….

సాధారణంగా మహిళలు తమ బలాలను బలహీనతలను ఎవరికి చెప్పుకోడానికి ఇష్టపడరు. కానీ తాము ఇష్టపడిన పురుషులకు మాత్రం నిర్మొహమాటంగా అన్ని విషయాలను వెల్లడిస్తారు. అతను ఏమనుకుంటాడు అనే ఆలోచన లేకుండా వారి భయాలు అభద్రతాభావాలు , సందేహాలు అన్నిటిని వారి ముందు బహిర్గతం చేస్తారు. ఇలా ఓపెన్ గా ఉన్న అమ్మాయి మీ మీద చాలా నమ్మకం పెట్టుకుందని అర్థం చేసుకోవచ్చు.

మీతో గడపటానికి ఇష్టపడతారు…

స్త్రీలు వారు ప్రేమించిన వారితో ఎక్కువ సమయం గడపాలని కోరుకుంటారు. వారితో బయటకు వెళ్లడం సినిమాలకు , షికారులకు తిరగడం, అతని ఉనికిని ఆస్వాదించడం వంటి కార్యకలాపాలను స్త్రీలు బాగా ఇష్టపడతారు. ఇది బంధాన్ని బలోపేతం చేస్తుంది. అలాగే ఇష్టపడిన వ్యక్తి వేరు వాళ్లతో క్లోజ్ గా ఉంటే తట్టుకోలేరు..

శారీరిక సన్నిహిత్యం ….

స్త్రీలు ఎప్పుడు తమకు నచ్చిన పురుషుడితో శారీరికంగా చాలా సన్నిహితంగా ఉండడానికి కోరుకుంటారు. అయితే స్త్రీలు తరచుగా రుద్దడం, తాకటం లేదా వారికి దగ్గరగా ఉండడం వారు అతనిని ఇష్టపడుతున్నారు అనడానికి ముఖ్యమైన సంకేతం అని చెప్పవచ్చు.

సపోర్టివ్ గా ఉండడం…

స్త్రీలు తాము ఇష్టపడిన పురుషుడు సమస్యల్లో ఉన్నప్పుడు అతను వెనక ఎల్లప్పుడు సపోర్టుగా నిలబడడానికి ఇష్టపడతారు. ప్రోత్సాహకరమైన మాటలతో అతనికి అండగా నిలబడతారు. టెన్షన్స్ నుంచి బయటకు తీసుకొచ్చేందుకు ప్రయత్నం చేస్తారు. ఇలాంటి సమయంలో ఇరువురి మధ్య ప్రేమ మరింత పెరిగే అవకాశం ఉంది.

నచ్చే పనులు చేయడం…

స్త్రీలు ఎల్లప్పుడు వారు ఇష్టపడి మనిషికి నచ్చిన పనులను చేసి వారి కంటపడాలని చూస్తుంటారు. అవి కొత్త అలవాట్లు కావచ్చు కొత్త చర్యలు కావచ్చు. ఇలాంటివి చేయడం ద్వారా వారి బంధాన్ని బలోపేతం చేసుకుంటారు.